Hlutafjárútboð Ölgerðarinnar

Almennt útboð á hlutabréfum Ölgerðarinnar Egill Skallagrímsson hf.  hefst kl. 10:00 mánudaginn 23. maí 2022 og lýkur kl. 16:00 föstudaginn 27. maí 2022 nema útgefandi taki ákvörðun um að fresta útboðinu eða lengja áskriftartímabilið. Útboðið tekur til 827.299.496 hluta eða 29,5% af heildarhlutafé félagsins. Tvær áskriftarleiðir eru í boði, Tilboðsbók A (áætlað 40% af útboðinu) og Tilboðsbók B (áætlað 60% af útboðinu) en heimild er til að færa bréf milli tilboðsbóka ef eftirspurnin í útboðinu gefur tilefni til þess.

Boðið verður upp á opinn kynningarfund föstudaginn 20. maí næstkomandi kl. 10:00. Fundurinn verður haldinn hjá Ölgerðinni að Grjóthálsi 7-11 og verður einnig boðið upp á vefútsendingu.

Ráðgert er að niðurstaða útboðsins muni liggja fyrir eigi síðar en mánudaginn 30. maí og er fyrsti viðskiptadagur áætlaður fimmtudaginn 9. júní. 

Nánari upplýsingar um útboðið og skráningu áskrifta má nálgast hjá Kviku banka eða hér.